De Heinrich Emil Brunner (* 23. Dezember 1889 z Winterthur, † 6. April 1966 z Züri) isch en reformierte Theolog us de Schwiiz gsi.
De Emil Brunner het z Züri un z Berlin Theologi studiirt. Nach siner Ordination isch er vo 1916 bis 1924 Pfarrer z Obstalden GL gsi. Im Johr 1924 isch er Professor für systematischi un praktischi Theologi an de Uni z Züri worde un isch es bis 1953 blibe.
Er isch einer vo de Mitbegründer vo de dialektische Theologi gsi. Er het di theologisch Richtig witerentwicklet, teilwis gäge d Uffassig vom Karl Barth. Bsunders het de Brunner de frei Wille vom Mönsch betont, was de reformierte Tradition widersproche het. D Vernunft het er sehr hoch gschätzt. So isch de Brunner devo usgange, dass me mit de Vernunft de Wille vo Gott cha wahrnäh.
© MMXXIII Rich X Search. We shall prevail. All rights reserved. Rich X Search